Sovét-Ísland óskalandið. Aðdragandi byltingar sem aldrei varð eftir Þór Whitehead
14.12.2010.
 

Kommúnistaflokkur Íslands var deild í heims-byltingarsambandinu Komintern, sem stjórnað var frá Moskvu. Yfirlýst markmið flokksins var: Bylting og stofnun Sovét-Íslands. Hér lýsir Þór Whitehead í fyrsta sinn í samfelldu máli undirbúningi flokksins að byltingu í landinu og viðbrögðum íslenska ríkisins. Byltingarbaráttan leiddi af sér öldu grófs ofbeldis, þar sem fjöldi manns slasaðist. Tugir valdra flokksmanna lærðu m.a. hernað og neðanj-arðarstarfsemi í byltingarskólum í Moskvu.Flokkurinn kom sér upp bardagaliði, sem sigraðist á lögreglunni í Gúttóslagnum.Geysimikil rannsókn liggur að baki bókinni. Hún bregður nýju ljósi yfir byltingarstarf kommúnista og mestu átakatíma í sögu Íslands. Þór Whitehead hefur aflað sér vinsælda lesenda með bókum sínum um síðari heimsstyrjöld. Þær hafa einnig  hlotið einróma lof fræðimanna fyrir vönduð vinnubrögð og geysiyfirgripsmiklar rannsóknir í mörgum löndum. Viðtal við Þór í þættinum Silfri Egils.

Leyndardómur Maríu eftir Gunnar Dal
8.12.2010.

Allar helstu frásagnir af Maríusýnum á 20. öld, m.a. frá Lourdes og Fatíma. Í formála segir Gunnar sem safnaði öllum Maríusýnunum í þessa bók að sögurnar svari að hluta til þeirri spurningu hvað það er sem kallað sé leyndardómur Maríu. Sá leyndardómur sé "tengdur hinum helga friði Guðs sem læknar og leiðir menn að lokum heila heim."

Pompei
6.12.2010.

		Mögnuð spennusaga um mannlíf í Rómaveldi síðustu dagana og klukkustundirnar áður en eldgosið í Vesúvíusi lagði Pompei og nágrenni í rúst árið 79. Sagan hefur hvarvetna hlotið frábæra dóma. Höfundur hennar er hinn víðkunni breski rithöfundur Robert Harris, sem einnig hefur skrifað metsölubækurnar Enigma, Imperium og The Ghost, svo nokkrar séu nefndar. Viðfangsefni Harris í Pompei ætti svo sannarlega að standa íslenskum lesendum ljóslifandi fyrir sjónum árið 2010. Spennusaga í hæsta gæðaflokki.

Bartimæus-þríleikurinn

Hliðgátt Ptólemeausar
1.12.2010.
 
Þrjú ár eru liðin frá því að töframaðurinn Nathaniel kom til London til bjargar á örlagastundu. Hann er nú einn af æðstu ráðamönnum í bresku ríkisstjórninni. En margvíslegur vandi steðjar að. Í þessari frábæru lokabók Bartimæusar-þríleiksins tvinnast enn á ný saman örlög þríeykisins Bartimæusar, Nathaniels og Kittyar. Leyndardómar Bartimæusar eru afhjúpaðir og þau standa frammi fyrir svikulum töframönnum, flóknum samsærum, uppreisnargjörnum djöflum og ógnvænlegri hringiðu leynimakks og átaka.

„Ein allra snjallasta og fjörugsta ævintýrasaga síðari ára.“ – Booklist.

„Máttugur endir sem er hvort tveggja, óvæntur og viðeigandi.“ Publisher Weekly

„Besta bókin ... ótrúlegur endir á marglofuðum þríleik.“ – The Horn Book Magazine

„Búin að finna arftaka Harry Patters … hrikalega skemmtileg … ætti að vera í höndum sem flestra.“
– Guðríður Haraldsdóttir, ritstjóri Vikunnar, dv.is

Silas Marner kynnt í Gerðubergi
20.11.2010.
 
Ein af bókunum sem kynntar verða stuttlega á bókmenntahátíð í Gerðubergi í dag er  Silas Marner eftir ensku skáldkonuna George Eliot. Dagskráin nefnist "Kellingabækur" en þar verða kynntar bækur á jólamark-

		aði sem konur hafa skrifað. George Eliot (1819-1880) er einn helsti skáldsöguhöfundur Englands á 19. öld og Silas Marner er eitt þekktasta verk hennar. "George Eliot" er höfundarnafn Mary Ann Evans, en hún taldi að verkum hennar yrði tekið af meiri alvöru ef karlmaður væri skrifaður fyrir þeim. Atli Magnússon þýddi SIlas Marner, en hann hefur á undanförnum árum þýtt margar perlur heimsbókmenntanna. Þetta mun vera fyrsta skáldsaga George Eliot sem kemur út á íslensku. Í Morgunblaðinu fyrir skömmu (7. nóv. 2010) fjallaði Kolbrún Bergþórsdóttir um bókina og höfund hennar. Hún komst þá m.a. svo að orði:

Bókin um Aung San Suu Kyi
15.11.2010.
 
Ævisaga mannréttindafrömuðarins og friðarverðlaunahafa Nóbels, Aung San Suu Kyi, eftir Jakob F. Ásgeirsson, sem Bókafélagið Ugla gaf út fyrir síðustu jól er komin aftur í fréttirnar eftir að andófshetjunni var sleppt úr stofufangelsi. Í helgarsproki Vefþjóðviljans var minnt á bókina og farið lofsamlegum orðum um hana. Í síðdegisútvarpi Rásar 2 í dag ræddu Guðfinnur Sigurvinsson og Linda Blöndal við höfund bókarinnar eins og hér má hlýða á. Bókin fæst á góðu verði í vefverslun Uglunnar en einnig fæst hún í helstu bókaverslunum.

Í rúma tvo áratugi hefur Aung San Suu Kyi, sem hlaut friðarverðlaun Nóbels 1991, verið ein dáðasta kona heims. Barátta hennar fyrir mannréttindum  og  lýðræðisumbótum  í  heimalandi  sínu,   Búrma,   hefur

		vakið heimsathygli. Lýðræðishreyfing hennar vann afgerandi kosningasigur árið 1990 en herforingjastjórnin, sem ræður ríkjum í þessu ógæfusama landi, hefur komist upp með að hundsa þau kosningaúrslit í tvo áratugi. Þúsundir óbreyttra borgara hafa verið myrtar og allir helstu stjórnarandstæðingar hafa verið fangelsaðir. Sjálfri hefur Aung San Suu Kyi verið haldið langdvölum í stofufangelsi á heimili sínu í Rangoon og meinað að hafa samskipti við fjölskyldu  sína.  Í  þessari  bók  segir  Jakob  F. Ásgeirsson

sögu þessarar einstæðu hugsjónakonu sem á fáeinum vikum varð sameiningartákn þjóðar sinnar andspænis grimmilegri kúgun allsráðandi herforingjaklíku. Vaclav Havel, fyrrverandi forseti Tékklands: „Með því að helga líf sitt baráttunni fyrir mannréttindum og lýðræði í Búrma berst Aung San Suu Kyi ekki aðeins fyrir réttlæti til handa samlöndum sínum heldur öllum þeim sem vilja vera frjálsir til að ákveða eigin örlög.“ Desmond Tutu erkibiskup: „Líkamlega er hún smávaxin og fíngerð en andlega og siðferðilega er hún risi.“ Bono í U2: „Helgimynd siðferðilegs hugrekkis.“ 

Björn Bjarnason, Miðjan.is, 14.12.2009: 8
„Jakob bregður skýru ljósi á hrikalega stjórnahætti í Búrma og máttleysi alþjóðasamfélagsins, þegar hvatt er til þess, að kraftar séu sameinaðir gegn ofbeldinu.“

Andríki.is, 20.12.2009: 8
„[Jakob] hefur skrifað fjölda blaðagreina um ástandið í Búrma og skipulagt heimsókn forsætisráðherra útlagastjórnar lýðræðishreyfingarinnar hingað til lands. Bókin er afskaplega gott framhald á þessari mikilvægu kynningu Jakobs á skelfingunni í Búrma fyrir Íslendingum.“

Jón Þ. Þór, DV.is, 26.12.2009: 8
„... einkar vel samdir og stórfróðlegir ... ein af perlunum í útgáfunni þetta árið.“
 

Adda lærir að synda
14.11.2010.
 
Bókafélagið Ugla hélt útgáfuboð í versluninni Barnabúðinni á Garðastræti á laugardag. Guðrún Svava Bjarnadóttir las upp úr þriðju Öddubókinni sem hefur nú verið endurútgefin. Að upplestri loknum sagði Jenna Jensdóttir, höfundur Öddubókanna, frá hugmyndinni á bak við bækurnar og hvernig persónurnar urðu til og þróuðust frá bók til bókar. Alls eru Öddubækurnar sjö talsins. Jenna og Hreiðar skrifuðu þær á árunum 1946-1954 og hafa þær verið endurútgefnar margoft. Þar til nú hafa þær verið nánast ófáanlegar.

Guðrún Svava Bjarnadóttir les upp úr sögunni Adda lærir að synda.

Jenna Jensdóttir í útgáfuhófinu í gær.

Skáldsaga eftir konu af íslenskum ættum
22.03.2010.
 
Freyjuginning er ný skáldsaga sem Bókafélagið Ugla gaf út fyrir jólin. Höfundurinn, Christina Sunley, býr á vesturströnd Bandaríkjanna. Bókin fjallar um Freyju, sem elst upp í dæmigerðu  bandarísku  úthverfi.  En á sumrin heimsækir hún ættingja sína í Gimli í Kanada.  Christina er nefni-

		lega af íslenskum ættum. Afi hennar var Ólafur Björnsson læknir í Winnipeg (fór vestur 1876) og amma hennar Sigríður Elínborg Jónsdóttir. Í Gimli kynnist hún Birdie frænku sinni sem er í senn hrífandi og ógnvekjandi. Birdie opnar henni framandi heim íslensku forfeðranna. Loks kemur að því að Freyja heldur á vit forfeðranna – með óvæntum endalokum. Þetta er áleitin og æsispennandi skáldsaga. Í bókinni er skyggnst inn í  íslenskan menningarheim frá  sjónarhóli  fólksins sem yfirgaf Ísland

undir lok nítjándu aldar en  varðveitti  íslenska  menningu fjarri  ættjörðinni. Freyjuginning kom út vestanhafs fyrr á þessu ári og hefur fengið frábærar viðtökur. Rætt var við höfundinn í Morgunblaðinu 16. desember 2009 (8).

Lögberg-Heimskringla:
„Freyjuginning er svo trúverðug og sannfærandi að maður stendur á öndinni.“

Bryndís Schram, Pressan.is, 14.12.2009: 8
„Þetta er æsispennandi saga og mikið gleðiefni, að hún skuli hafa verið þýdd á íslensku. Hún á erindi við okkur, þessi bók. Hún gefur okkur innsýn í líf Íslendinga á fjarlægum slóðum rúmri öld eftir að þeir flúðu heimalandið.“ 

Kristín Ólafs, Eyjan.is, 15.12.2009:
„... verkið er djúpt, áhugavert og víðfemt.“ 

Bók sem kemur öllum í jólaskap
24.11.2009.
 
Hvaða minningar á fólk frá bernskujólunum? Hvert er gildi þessarar stórhátíðar? Bókafélagið Ugla hefur gefið út bók sem Jónas Ragnarsson tók saman og nefnist Jólaminningar. Í bókinni eru birtar  frásagnir af  jólasiðum

		fyrir meira en einni öld, rætt við tólf þekkta Íslendinga um jólin í þeirra lífi og rifjaðar upp fréttir af jólahaldi á tuttugustu öld. Tilhlökkunin og tilfinningarnar hafa lítið breyst en umgjörðin er gjörbreytt. Þeir sem rætt er við eru Gissur Ó. Erlingsson, Jenna Jensdóttir, Salome Þorkelsdóttir, Ingibjörg Þorbergs, Vigdís Finnbogadóttir, Ragnar Bjarnason, Ómar Ragnarsson, Ragnheiður Ásta Pétursdóttir, Karl Sigurbjörnsson, Ólöf Kolbrún Harðardóttir, Geir Jón Þórisson og  Magnús Scheving.  Elsti

viðmælandinn er hundrað ára, sá yngsti rúmlega fertugur. Allt þetta fólk á dýrmætar jólaminningar – um samveru fjölskyldunnar, kyrrðina, eplalyktina, kertaljósin, jólalögin og fleira.

Hús og hílbýli, 01.12.2009: 8
„Falleg jólabók.“

Sigríður B. Thorarensen, Eyjan.is,  06.12.2009: 8
„Þessi bók kemur lesandanum svo sannarlega í jólaskap. Alla vega hef ég ekki hætt að vera í jólaskapi síðan ég las hana ... Skemmtileg og holl lesning fyrir Íslendinga sem nú halda að sé kreppa.“

Benedikt Jóhannesson, Heimur.is, 07.12.2009: 8
„... ég mæli með bókinni. Þetta eru hlýlegar endurminningar frá hundrað ára tímabili.“

Guðríður Haraldsdóttir, Vikunni, 10.12.2009:
„Jólaminningar eftir Jónas Ragnarsson er afar sæt bók.“

Pálmi Matthíasson, Rás 1, 21.12.2009:
„... mjög ljúf bók ... Mér finnst þetta jólaleg bók og mér finnst gott að glugga í hana á aðventunni til að koma sér í jólaskap og sjá að hlutirnir voru ekki allir sjálfsagðir.“
 

Misjafnlega gáfuleg ummæli frá útrásartímanum
24.11.2009.
 
Bókafélagið Ugla hefur gefið út bókina Þeirra eigin orð, sem Óli Björn Kárason hefur tekið saman. Í hana hefur verið safnað ýmsum eftirminnilegustu  ummælum  útrásartímans, þegar allt var á útopnu – líka

		talfæri mannanna. Hverjir fóru yfir strikið? Hverjir urðu sér til skammar? Hverjir hittu naglann á höfuðið? Þetta er einstakt safn skemmtilegra og misjafnlega gáfulegra ummæla frá útrásartímanum. Höfundur segir í formála að mörg þessara ummæla hafi enga þýðingu nema í stund dagsins en önnur séu merkileg og nauðsynlegt að þeim sé haldið til haga. „Tilsvör, fullyrðingar, athugasemdir og yfirlýsingar segja oft mikla sögu og gefa skemmtilega innsýn  í  andrúm samfélagsins á hverjum tíma ... Hér er á

ferðinni persónulegt val sem er fyrst og  fremst ætlað til skemmtunar en líka til að geyma á einum stað ýmislegt sem ekki má gleymast og hollt er að rifja upp.“

Skafti Harðarson, Eyjan.is, 03.12.2009: 8
„... frábært safn tilvitnana í stjórnmálamenn, útrásarvíkinga, álitsgjafa og fleiri ...“

Jón Þ. Þór, DV.is, 04.12.2009: 8
„... þetta er ótrúleg lesning, að sjá hvernig jafnvel mætustu menn gátu ruglað og bullað í þeim tilgangi einum að réttlæta vitleysuna ...“

Orðið á götunni, Eyjanis, 21.12.2009: 8
„Þeir eru margir gullmolarnir í bókinni Þeirra eigin orð.“
 

Saga mikillar baráttukonu
23.11.2009.
 
Í rúma tvo áratugi hefur Aung San Suu Kyi, sem hlaut friðarverðlaun Nóbels 1991, verið ein dáðasta kona heims. Barátta hennar fyrir mannréttindum  og  lýðræðisumbótum  í  heimalandi  sínu,   Búrma,   hefur

		vakið heimsathygli. Lýðræðishreyfing hennar vann afgerandi kosningasigur árið 1990 en herforingjastjórnin, sem ræður ríkjum í þessu ógæfusama landi, hefur komist upp með að hundsa þau kosningaúrslit í tvo áratugi. Þúsundir óbreyttra borgara hafa verið myrtar og allir helstu stjórnarandstæðingar hafa verið fangelsaðir. Sjálfri hefur Aung San Suu Kyi verið haldið langdvölum í stofufangelsi á heimili sínu í Rangoon og meinað að hafa samskipti við fjölskyldu  sína.  Í  þessari  bók  segir  Jakob  F. Ásgeirsson

sögu þessarar einstæðu hugsjónakonu sem á fáeinum vikum varð sameiningartákn þjóðar sinnar andspænis grimmilegri kúgun allsráðandi herforingjaklíku. Vaclav Havel, fyrrverandi forseti Tékklands: „Með því að helga líf sitt baráttunni fyrir mannréttindum og lýðræði í Búrma berst Aung San Suu Kyi ekki aðeins fyrir réttlæti til handa samlöndum sínum heldur öllum þeim sem vilja vera frjálsir til að ákveða eigin örlög.“ Desmond Tutu erkibiskup: „Líkamlega er hún smávaxin og fíngerð en andlega og siðferðilega er hún risi.“ Bono í U2: „Helgimynd siðferðilegs hugrekkis.“ 

Björn Bjarnason, Miðjan.is, 14.12.2009: 8
„Jakob bregður skýru ljósi á hrikalega stjórnahætti í Búrma og máttleysi alþjóðasamfélagsins, þegar hvatt er til þess, að kraftar séu sameinaðir gegn ofbeldinu.“

Andríki.is, 20.12.2009: 8
„[Jakob] hefur skrifað fjölda blaðagreina um ástandið í Búrma og skipulagt heimsókn forsætisráðherra útlagastjórnar lýðræðishreyfingarinnar hingað til lands. Bókin er afskaplega gott framhald á þessari mikilvægu kynningu Jakobs á skelfingunni í Búrma fyrir Íslendingum.“

Jón Þ. Þór, DV.is, 26.12.2009: 8
„... einkar vel samdir og stórfróðlegir ... ein af perlunum í útgáfunni þetta árið.“
 

Alfreðs saga og Loftleiða fáanleg á ný
22.11.2009.
 
Í þessari mögnuðu bók er sögð saga eins mesta athafnamanns Íslandssögunnar, Alfreðs Elíassonar flugmanns og forstjóra. Rakin er saga Loftleiða,  hvernig  fyrirtækið  óx  úr  nánast  engu  upp  í að vera stórveldi á

íslenskan mælikvarða og fullgildur keppinautur risanna í alþjóðlegum flugrekstri. Fjallað er um íslenska flugsögu sem nær hápunkti með sameiningu Loftleiða og Flugfélags Íslands sem sumir kölluðu „stuld aldarinnar“. Spennandi og lifandi frásögn um Loftleiðaævintýrið og reyfarakennda atburði á bak við luktar dyr fundaherbergja þegar teflt var um völd og metorð í stærsta fyrirtæki Íslendinga.  Bókin er nú endurútgefin eftir að hafa verið ófáanleg í aldarfjórðung.

 
Jón Þ. Þór, DV:
„ … kannski á þessi bók einmitt sérstakt erindi við okkur Íslendinga nú.“
****

Arftaki Harry Potters
22.11.2009.
 
Auga Gólemsins eftir er æsispennandi ævintýrasaga þar sem töfrar og undirferli eru á hverju strái. Þetta er önnur bókin í Bartimæusar-þríkleiknum  eftir   Jonathan   Stroud.   Fyrsta  bókin,  Verndargripurinn  frá

		Samarkand (The Amulet of Samarkand), kom út í fyrra  og þriðja bókin (Ptolemy’s Gate) kemur út á næsta ári. Mögnuð metsölubók sem farið hefur sigurför um heiminn. Höfundur Bartimæusar-þríleiksins, Jonathan Stroud, er einn virtasti barna- og unglingabókahöfundur Bretlands. Bartimæusar-þríleikurinn vann hug og hjörtu lesenda úti um allan heim og seldist í milljónum eintaka. Í nýjustu bók sinni, Heroes of the Valley, tvinnar Jonathan Stroud norræna goðafræði inn í ævintýraheim sinn. Meira má fræðast um Bartimæusar-þríleikinn á hinni opinberu

heimasíðu: bartimaeustrilogy.com Booklist: „Ein allra snjallasta og fjörugasta ævintýrasaga síðari ára.“ Guðríður Haraldsdóttir, ritstjóri Vikunnar: „Búin að finna arftaka Harry Potters … hrikalega skemmtileg … ætti að vera í höndum sem flestra.“

Peningabók eftir heimsfrægan sagnfræðing
12.11.2009.
 
Bók breska sagnfræðingsins Nialls Ferguson, prófessors við Harvard-háskóla, The Ascent of Money – A Financial History of the World (Peningarnir sigra heiminn – Fjármálasaga  veraldarinnar),  er  mest  selda  harðspjaldabók

		sem Penguin-útgáfan á Bretlandi hefur gefið út. Bókin fékk strax geysigóðar viðtökur austan hafs og vestan og hefur síðan verið þýdd á fjölda tungumála. Íslensk þýðing Elínar Guðmundsdóttur er komin út hjá Bókafélaginu Uglu. Vinsælir sjónvarpsþættir hafa verið gerðir eftir fyrri bókum Niall Ferguson svo sem Empire og The War of the World. Peningarnir sigra heiminn þykir afburða góð lýsing á mætti peninganna í sögu mannsins frá upphafi vega. Í bókinni  er  m.a. lýst  því  hvernig  fjármál  koma við sögu í

helstu atburðum mannkynssögunnar.  Ferguson skýrir t.d. hvernig franska byltingin á upptök sín í hlutabréfabólu, hvernig fjármálamistök breyttu Argentínu úr sjötta ríkasta landi heims í verðbólguviðundur og hvernig fjármálabylting hefur umbreytt fjölmennasta ríki heims á fáum árum úr þriðja heims ríki í stórveldi. Ekki síst þykir bókin geyma glögga lýsingu á fjármálakreppunni sem skall á fyrir ári síðan.

Friðrik Páll Jónsson, Spegillinn, Ruv.is, 02.12.2009: 8
„Bókin ... hefur hlotið góða dóma erlendis. Í henni er mikill fróðleikur um peninga og sögu þeirra og hún er góð viðbót við bækur um hrunið fyrir þá sem vilja skilja það ...“

Már Wolfgang Mixa, Eyjan.is,  07.12.2009: 8
„Bókin er ... afar góð ... verðug lesning fyrir þá sem vilja kynna sér fjármálasöguna.“

Jón Trausti Reynisson, DV.is,  24.12.2009: 8
„Peningarnir sigra heiminn er án vafa ein hollasta lesningin þessi jólin ...“

Öddubækurnar komnar á markað á ný
08.11.2009.
 
Tvær fyrstu Öddubækurnar eftir Jennu Jensdóttur og Hreiðar Stefánsson eru komnar út í vandaðri útgáfu Bókafélagsins Uglu og með myndum eftir Halldór Pétursson. Þetta eru bækurnar Adda  og  Adda og litli bróðir,  en þær

hafa verið ófáanalegar í nær tvo áratugi. Í heild sömdu hjónin Jenna og Hreiðar meira en þrjátíu bækur. Margar þeirra teljast til sígildra barnabókmennta, meðal annars Öddubækurnar sjö. Þær munu hafa verið prentaðar alls í sextíu þúsund eintökum. Fyrsta Öddubókin var samin til að nota við kennslu í smábarnaskóla Jennu og Hreiðars á Akureyri árið 1942. Hún var fjölrituð í þrjátíu eintökum. Bókin

var síðan gefin út hjá Æskunni árið 1946. Jenna er 91 árs en Hreiðar lést fyrir fjórtán árum. Þau hlutu margar viðurkenningar fyrir bækur sínar.

Ein besta bók Agöthu Christie loksins á íslensku
08.11.2009.
 
Minning um morð (Five Little Pigs / Murder in Retrospect) er ein kunnasta sakamálasaga Agöthu Christie og meðal mest seldu bóka hennar. Sumir telja að Agatha sé  öðrum þræði að skrifa um fyrra  hjónaband  sitt í þessari

		bók, en atburðir sögunnar gerast um líkt leyti og hún hvarf, eins og frægt varð. Minning um morð kom út á frummálinu árið 1942 en kemur nú út í íslenskri þýðingu í fyrsta sinn. Ragnar Jónasson þýddi bókina og ritar eftirmála. John Curran, höfundur nýrrar bókar um Agöthu segir: „Minning  um morð er hápunkturinn á ferli Christie sem sakamálasagnahöfundar; fullkomnasta blanda hennar af leynilögreglusögu og „venjulegri“ skáldsögu.“

Jólaævintýri eftir Charles Dickens í nýrri útgáfu
08.11.2009.
 
Jólaævintýri Dickens er hin sígilda jólasaga. Þar segir frá nirflinum Ebeneser Scrooge, ríkum einstæðingi, sem þolir ekki jólin. En á jólanótt verður  hann fyrir  furðulegri  reynslu  sem  fær  hann  til að  sjá jólin í öðru

ljósi. Hann lærir að meta anda jólanna og finnur jóla-gleðina í hjarta sínu. Charles Dickens er einn af risum heimsbókmenntanna. Jólaævintýri (A Christmas Carol) er ein vinsælasta saga hans. Bókin kom fyrst út árið 1843 og hefur verið metsölubók síðan. Jólaævintýri varð strax svo ríkur þáttur í jólahaldi á Englandi að þegar Dickens dó, árið 1870, heyrðist stúlka í London hrópa upp yfir sig: „Dickens dáinn? Er þá jólasveinninn dáinn líka?“ Í þessari nýju  útgáfu   eru  upprunalegar   teikningar  og  litmyndir.

Jólaævintýri Dickens í afbragðsþýðingu Karls Ísfeld er bók sem ætti að vera til á hverju heimili.
 

Kolbrún Bergþórsdóttir, Sunnudagsmogganum:
„Jólaævintýri er mikil dýrðarinnar bók.“ 

Kvöldsögur handa börnum: Þrettán bestu ævintýrin
07.11.2009.
 
Gríski heimspekingurinn Plató kenndi að menntun hvers manns og hverrar konu ætti að byrja með lestri góðra ævintýra. Frá þriggja ára aldri yrði þannig lagður grundvöllur að skilningi og þroska góðra tilfinninga.  Gott

ævintýri lesið fyrir barn á unga aldri vekur að dómi Platós blundandi öfl í barnssálinni. Í þessari bók hefur Gunnar Dal valið og þýtt þrettán bestu ævintýri allra tíma. Þetta eru Litla stúlkan með eldspýturnar, Þyrnirós, Lampi Aladdins, Nýju fötin keisarans, Mjallhvít og dvergarnir sjö, Ljóti andarunginn, Villiendurnar tólf, Rauðhetta, Gullepli Erísar, Næturgalinn, Öskubuska, Risinn eigingjarni og Litla hafmeyjan.

Einstakar myndir af lífi og starfi stjórnarerindreka
07.11.2009.
 
Einar Benediktsson er einn af okkar reyndustu sendiherrum. Hann starfaði í utanríkisþjónustunni í tæpa fjóra áratugi og var sendiherra í Genf, París, London, Brussel, Osló og  Washington. Í  utanríkisþjónustunni  sinnti

Einar mjög samskiptum Íslands við aðrar Evrópuþjóðir – allt frá aðildinni að EFTA til EES-samningsins. Gerðist Einar snemma eindreginn talsmaður þess að Ísland sækti um aðild að Evrópusambandinu. Í bókinni Að skilja heiminn – æviminningar sendiherra  bregður Einar upp einstökum myndum af lífi og starfi stjórnarerindreka á viðburða-tímum, ekki síst í París þar sem hann dvaldi lengst. Hann lýsir æsku sinni í Reykjavík kreppu- og styrjaldarára,  segir  frá  foreldrum  sínum,  hinum  goðsagnakennda  afa

sem hann var heitinn eftir og forvitnilegum örlögum ættmenna sinna, svo sem föðursystkina og frændfólks af Ráðagerðisætt á Nýja-Sjálandi. Yfir frásögninni allri er viðfeldinn blær manns sem ekki aðeins hefur verið virkur þátttakandi í straumum og stefnum síns tíma heldur hefur gert sér far um að skyggnast undir yfirborðið – og skilja heiminn.

Jón Þ. Þór, DV:
„Öll er frásögnin í þessari bók einkar hófstillt og viðkunnanleg, auk þess að vera stórfróðleg.“ 

Hannes H. Gissurarson, Eyjunni:
„... sums staðar er notalegur blær á frásögninni, sérstaklega af æskuárunum.“ 

Þorsteinn Pálsson, Þjóðmálum:
„Þörf bók og fróðleg. Að skilja Einar Ben. sendiherra hjálpar mönnum að skilja heiminn.“ 

Kvæðaúrval eftir Kristján Karlsson
07.11.2009.

Í bókinni Kvæðaúrval er að finna úrval kvæða Kristjáns Karlssonar, sem Magnús Sigurðsson, skáld og bókmenntafræðingur, hefur valið. Magnús ritar jafnframt ítarlegan  inngang um  kvæðagerð  Kristjáns.  Kristján hefur

fyrir löngu tryggt sér sess meðal fremstu ljóðskálda á Íslandi. Hann hafði um langt skeið verið einn fremsti bókmenntafræðingur landsins þegar hann sendi frá sér fyrstu ljóðabók sína, Kvæði ’76, hálfsextugur að aldri, árið 1976. Í kjölfarið fylgdu átta ljóðabækur, hin síðasta Kvæði 03 sem kom út 2003. Magnús velur kvæði úr öllum níu ljóðabókum Kristjáns. Í inngangi sínum gerir hann grein fyrir helstu þráðunum í ljóðlist skáldsins. Einstakt safn úrvalsljóða eftir eitt okkar virtasta og fágaðasta skáld.

Einar Falur Ingólfsson, Sunnudagsmogganum:
„... afskaplega auðvelt að gleyma sér á milli spjaldanna, í fjölbreytilegum, öguðum og persónulegum ljóðheimi skáldsins.“ 

Ný framtíðarsýn – bók eftir Þorkel Sigurlaugsson
23.05.2009.
 
Bókafélagið Ugla hefur gefið út nýja bók eftir Þorkel Sigurlaugsson, framkvæmdastjóra fjármála- og þróunarsviðs Háskólans í Reykjavík. Bókin nefnist Ný framtíðarsýn og er sjöunda bók Þorkels, sem hefur mikla reynslu

af fyrirtækjarekstri og stjórnun. Í bókinni fjallar Þorkell meðal annars um nauðsyn þess að þjóðin móti sér nýja framtíðarsýn við endurreisn efnahagslífsins þar sem nýir stjórnarhættir, bætt viðskiptasiðferði, sjálfbærni og nýsköpun eru höfð að leiðarljósi. Það er boðskapur bókarinnar að ástæða sé til bjartsýni ef rétt sé á málum haldið því Ísland er enn land stórkostlegra tækifæra.

Kvikmyndir eftir bókum Patriciu Cornwell
 26.04.2009.

Hin heimsfræga leikkona Angelina Jolie mun leika dr. Kay Scarpetta í væntanlegum myndum sem byggðar eru á bókum Patriciu Cornwell, en hún hefur skrifað sautján bækur um þessa sögupersónu. Ekki er um að ræða beina yfirfærslu á einhverjum sérstökum bókum um Scarpetta heldur verða sögur nokkurra þeirra hafðar að leiðarljósi hverju sinni. Sagt hefur verið að myndirnar muni hafa svipað yfirbragð og helstu spennutryllar seinni tíma. Bókafélagið Ugla hefur gefið út þrjár bækur eftir Patriciu Cornwell, Óvanaleg grimmd, Dauðrabýlið og Blóðreiturinn.

Agöthu hælt í Kiljunni
22.04.2009.
 
Agatha Christie var til umfjöllunar í Kiljunni, þætti Egils Helgasonar, og ræddu þau Kolbrún Bergþórsdóttir og Páll Baldvin Baldvinsson um útgáfu Bókafélagsins Uglu á þýðingum Agöthu, en nú nýverið komu bækurnar Stefnumót við dauðann (Appointment with Death) og Spilin á borðið (Cards on the Table) út í kilju. Í þættinum var m.a. sagt frá Agöthuklúbbnum og vefsíðunni www.agathachristie.is. „Agatha Christie er miklu snjallari höfundur en einhver snobbhænsn úti í bæ vilja vera láta,“ sagði Kolbrún. „Agatha Christie er bara ódauðleg!“
 

„Stórbrotin bók“
01.04.2009. 
Nótt eftir Elie Wiesel fékk mjög góða dóma í Kiljunni í kvöld. „Einn af klassíkerum helfararinnar,“ sagði Egill Helgason. „Alveg stórbrotin bók.“ Páll Baldvin Baldvinsson sagði að þetta væri „áhrifamikið verk“. Kolbrún Bergþórsdóttir sagði: „Ákaflega vel skrifuð ... og snertir mann algjörlega í hjartastað ... Þetta er bara bók sem fólk á að lesa.“

Morgunblaðið fjallar um bók Jonathan Stroud
25.03.2009.
 
Fyrir jólin gaf Bókafélagið Ugla út fyrstu bókin af Bartimæusar-þríleiknum eftir breska rithöfundinn Jonathan Stroud, Verndargripurinn frá Samarkand.. 

Nú er komin út ný bók eftir hann í nokkrum löndum, Heroes of the Valley, en hún styðst að einhverju leyti við norræna goðafræði. Morgunblaðið fjallaði ýtarlega um bókina og höfundinn í dag.

Elie Wiesel væntanlegur til Íslands?
 23.03.2009.

Pressan segir frá því í dag að nú sé unnið að því að friðarverðlaunahafinn Elie Wiesel komi til landsins á næsta ári, en bók hans Nótt er nýkomin út hjá Bókafélaginu Uglu.

Bókin var til umfjöllunar á málstofu Guðfræðideildar Háskóla Íslands. „Við upplestur úr bókinni setti mig hljóðan,“ sagði Steingrímur Sævarr Ólafsson blaðamaður í grein á Pressunni. „Maður getur ekki annað en þakkað fyrir að lifa í nútímanum þar sem stærstu vandamálin eru verðbólga og atvinnuleysi.“

Metsölubók Elie Wiesel fáanleg á íslensku
 20.03.2009.

Hin þekkta bók Nótt eftir Elie Wiesel, friðarverðlaunahafa Nóbels, er komin út á íslensku, í þýðingu Stefáns Einars Stefánssonar guðfræðings og siðfræðings.  Bókin  hefur  farið  sigurför  um  heiminn og selst  í milljónum

eintaka. Árið 2006 var hún valin í bókaklúbb Ophru Winfrey í Bandaríkjunum og fór beint í 1. sæti metsölulista The New York Times. Bókin er sjálfsævisöguleg frásögn af veru unglingsdrengs og föður hans í útrýmingarbúðum nasista. Er hægt að skilja óhugnað helfararinnar? Af hverju lætur Guð hann viðgangast? Nærfærin og hugstæð lýsing á örvæntingu andspænis mannlegri illsku á hæsta stigi.

Fjölbreytt efni í vorhefti Þjóðmála
20.03.2009.
 
Tímaritið Þjóðmál hefur borist áskrifendum og er einnig komið í helstu bókaverslanir. Greinarnar eru fjölbreyttar að venju og höfundarnir um tuttugu. Vilhjálmur Eyþórsson rithöfundur skrifar um þá sem tala í nafni þjóðarinnar, Gísli Freyr Valdórsson stjórnmálafræðingur fjallar um pólitískar hreinsanir minnihlutastjórnar Jóhönnu Sigurðardóttur, Gunnlaugur Jónsson fjármálaráðgjafi sýnir fram á að ekki sé hægt að kenna frjálshyggjunni um núverandi fjármálakreppu, Jón Gerald Sullenberger framkvæmdastjóri  fjallar um leppa og leynifélög og Benedikt Jóhannesson framkvæmdastjóri ræðir um ofstækið í búsáhaldabyltingunni, svo að fátt eitt sé nefnt. Heftið er 100 síður.

Fjórða fjölmiðlabók Ólafs Teits komin út
 20.03.2009.

Fjölmiðlar 2007, fjórða bókin sem Ólafur Teitur Guðnason hefur skrifað um þetta efni, er komin út. Hann hefur fjölþætta reynslu af fjölmiðlum, útvarpi,

sjónvarpi og blöðum. Vikulegir fjölmiðlapistlar Ólafs Teits í Viðskiptablaðinu vöktu á sínum tíma mikla athygli. Í þessum snörpu og beinskeyttu pistlum rekur Ólafur Teitur fjölmörg dæmi um undarleg, hæpin, vafasöm og ámælisverð vinnubrögð fréttamanna. Engum sem les þessa bók getur dulist að fjölmiðlum veitir sjálfum ekki af því aðhaldi sem þeim er ætlað að sýna öðrum. Þorbjörn Broddason, um Fjölmiðla 2004: „Umboðsmaður lesanda … [Ólafur Teitur] á þakkir skildar fyrir, því sannarlega var þörf á slíku embætti.“

Egill Helgason, um Fjölmiðla 2005:
„[Pistlarnir] eru skemmtilega skrifaðir. Þeir eru mátulega ögrandi.“

Atli Rúnar Halldórsson, um Fjölmiðla 2006:
„Skrif [Ólafs Teits] um fjölmiðla hafa verið verið uppáhaldsefni hjá mér frá upphafi ... Fjölmiðlarýni sem stendur undir nafni.“ 

Fjórar skáldsögur í vasabrotsútgáfu á góðu verði
11.02.2009.

Tvær spennusögur eftir Agöthu Christie, Spilin á borðið og Stefnumót við dauðann, eru komnar út í kilju og einnig Blóðreiturinn eftir Patriciu Cornwell, einn vinsælasta spennusagnahöfund heims, og hin sígilda saga Hinn mikli Gatsby eftir F. Scott Fitzgerald. Hver bók kostar aðeins 1.990 krónur. Þær fást í flestum bókaverslunum og víðar.

Fjallað um Þjóð í hafti í Kiljunni
11.02.2009. Kiljan. Kiljan. 
Haftatímabilið verður til umræðu í Kiljunni í kvöld þegar fjallað verður um bókina Þjóð í hafti  eftir Jakob F. Ásgeirsson rithöfund. Bókin er nýkomin út í kilju og rekur sögu haftaáranna frá 1930 til 1960.

Bók eftir Björn Bjarnason um Evrópusambandið
10.01.2009.

Bókafélagið Ugla hefur gefið út bókina Hvað er Íslandi fyrir bestu? eftir Björn Bjarnason dóms- og kirkjumálaráðherra. Krafan um aðild Íslands að Evrópusambandinu  er  hávær  um þessar mundir.  En hvað er Íslandi raun-

verulega fyrir bestu? Hver er staða Íslands í hnattvæðingunni? Hvað felst í þátttöku Íslands í Schengensamstarfinu? Hvaða aðferðum ber að beita við töku ákvarðana um Evrópusamstarfið? Hverra kosta völ eiga Íslendingar í gjaldmiðilsmálum? Við þessar spurningar og margar fleiri glímir Björns í þessari bók sem geymir valdar greinar hans frá síðustu árum.

Fréttir frá Bókafélaginu Uglu 2008
  

   
Bókafélagið Ugla ehf., Sundaborg 5, 104 Reykjavík. Sími 551 9140. Farsími 698 9140.
Hafa samband í tölvupósti (m.a. til að panta bækur). »