Bækur 2009
 

Minning um morð. Agatha Christie. Þýð.: Ragnar Jónasson. Minning um morð (Five Little Pigs / Murder in Retrospect) er ein kunnasta sakamálasaga Agöthu Christie og meðal mest seldu bóka hennar. Sumir telja að Agatha sé  öðrum þræði að skrifa um fyrra  hjónaband  sitt í þessari bók, en atburðir sögunnar gerast um líkt leyti og hún hvarf, eins og frægt varð. Minning um morð kom út á frummálinu árið 1942 en kemur nú út í íslenskri þýðingu í fyrsta sinn. Ragnar Jónasson þýddi bókina og ritar eftirmála. John Curran, höfundur nýrrar bókar um Agöthu segir: „Minning  um morð er hápunkturinn á ferli Christie sem sakamálasagnahöfundar; fullkomnasta blanda hennar af leynilögreglusögu og „venjulegri“ skáldsögu.“

Adda. Jenna og Hreiðar. Fyrsta bókin í hinum sígilda bókaflokki eftir Jennu og Hreiðar. Öddu-bækurnar eru meðal vinsælustu barnabóka sem komið hafa út á Íslandi en þær hafa verið ófáanlegar árum saman. Adda er munaðarlaus. Hún á illa vist hjá Birnu gömlu sem ætlar að senda hana í sveit. En Adda neitar að fara. Bókin er prýdd teikningum eftir Halldór Pétursson.

Adda og litli bróðir. Jenna og Hreiðar. Önnur bókin í hinum sígilda bókaflokka um Öddu. Adda litla er í sveit þegar hún eignast bróður. Hana langar óskaplega mikið til að sjá hann. Eitt kvöldið grípur hún til sinna ráða. Bókin er prýdd teikningum eftir Halldór Pétursson.

Að skilja heiminn. Æviminningar sendiherra. Einar Benediktsson. Einar Benediktsson er einn af okkar reyndustu sendiherrum. Hann starfaði í utanríkisþjónustunni í tæpa fjóra áratugi og var sendiherra í Genf, París, London, Brussel, Osló og Washington. Í utanríkisþjónustunni sinnti Einar mjög samskiptum Íslands við aðrar Evrópuþjóðir – allt frá aðildinni að EFTA til EES-samningsins. Gerðist Einar snemma eindreginn talsmaður þess að Ísland sækti um aðild að Evrópusambandinu. Í þessari bók bregður Einar upp einstökum myndum af lífi og starfi stjórnarerindreka á viðburðatímum, ekki síst í París þar sem hann dvaldi lengst. Hann lýsir æsku sinni í Reykjavík kreppu- og styrjaldarára, segir frá foreldrum sínum, hinum goðsagnakennda afa sem hann var heitinn eftir og forvitnilegum örlögum ættmenna sinna, svo sem föðursystkina og frændfólks af Ráðagerðisætt á Nýja-Sjálandi. Yfir frásögninni allri er viðfeldinn blær manns sem ekki aðeins hefur verið virkur þátttakandi í straumum og stefnum síns tíma heldur hefur gert sér far um að skyggnast undir yfirborðið – og skilja heiminn.

Kvæðaúrval Kristján Karlsson. Í bókinni er að finna úrval kvæða Kristjáns sem Magnús Sigurðsson, skáld og bókmenntafræðingur, hefur valið. Magnús ritar jafnframt ítarlegan inngang um kvæðagerð Kristjáns. Kristján Karlsson hefur fyrir löngu tryggt sér sess meðal fremstu ljóðskálda á Íslandi. Hann hafði um langt skeið verið einn fremsti bókmenntafræðingur landsins þegar hann sendi frá sér fyrstu ljóðabók sína, Kvæði ’76, hálfsextugur að aldri, árið 1976. Í kjölfarið fylgdu átta ljóðabækur, hin síðasta Kvæði 03 sem kom út 2003. Magnús velur kvæði úr öllum níu ljóðabókum Kristjáns. Í inngangi sínum gerir hann grein fyrir helstu þráðunum í ljóðlist skáldsins. Einstakt safn úrvalsljóða eftir eitt okkar virtasta og fágaðasta skáld.

		Fjölmiðlar 2007. Ólafur Teitur Guðnason.   Ólafur Teitur Guðnason hefur fjölþætta reynslu af fjölmiðlum. Hann starfaði lengi á fréttastofu Útvarpsins en var síðan blaðamaður á DV og Viðskiptablaðinu. Hann hefur auk þess stýrt útvarps- og sjónvarpsþáttum. Vikulegir fjölmiðlapistlar Ólafs Teits í Viðskiptablaðinu vöktu á sínum tíma mikla athygli. Þeir koma nú út á bók í fjórða sinn. Í þessum snörpu og beinskeyttu pistlum rekur Ólafur Teitur fjölmörg dæmi um undarleg, hæpin, vafasöm og ámælisverð vinnubrögð fréttamanna. Engum sem les þessa bók getur dulist að fjölmiðlum veitir sjálfum ekki af því aðhaldi sem þeim er ætlað að sýna öðrum. 288 bls. 1.990 kr. (kilja). Panta. Þorbjörn Broddason, Þjóðmál 2005 (um Fjölmiðla 2004): „Umboðsmaður lesanda … [Ólafur Teitur] á þakkir skildar fyrir, því sannarlega var þörf á slíku embætti.“ Egill Helgason, Þjóðmál 2006 (um Fjölmiðla 2005): „Kannski má segja að með þessari kleppsvinnu sé Ólafur Teitur orðinn að eins manns fjölmiðlastofnun. [Pistlarnir] eru skemmtilega skrifaðir. Þeir eru mátulega ögrandi; hann er einn af þeim mönnum sem er hressandi að vera ósammála þegar þannig ber undir.“ Atli Rúnar Halldórsson, Þjóðmál 2007 (um Fjölmiðla 2006): „Skrif [Ólafs Teits] um fjölmiðla hafa verið verið uppáhaldsefni hjá mér frá upphafi, einfaldlega af því að hann gerir þetta vel: skrifar læsilegan texta, færir rök fyrir máli sínu og sýnir í verki hvernig fjölmiðlamaður beitir gagnrýninni hugsun til að komast að kjarna máls ... Fjölmiðlarýni sem stendur undir nafni.“

		Hinn mikli Gatsby. F. Scott Fitzgerald. Þýð.: Atli Magnússon. Enginn vissi í rauninni hver Gatsby var. Sumir sögðu að hann hefði verið þýskur njósnari, aðrir að hann væri skyldur evrópsku kóngafólki. En allir nutu hans frábæru gestrisni. Í íburðarmiklum húsakynnum á Long Island hélt hann frægar veislur. Fæstir gestanna þekktu þó gestgjafann í sjón. Það var eins og hann væri án tíma og rúms. Áhrifamikil lýsing á miklum velmegunartíma, jassáratugnum – glysi og glaum, tálsýnum og dvínandi siðferðisþrótti. Eitt af meistaraverkum heimsbókmenntanna og jafnframt ein vinsælasta skáldsaga síðari tíma. Hinn mikli Gatsby er önnur skáldsaga F. Scotts Fitzgeralds sem kemur út á íslensku í þýðingu Atla Magnússonar. 4.490 kr. Panta. 1.990 kr. (kilja). Panta.

		Hvað er Íslandi fyrir bestu? Björn Bjarnason. Krafan um aðild Íslands að Evrópusambandinu er hávær um þessar mundir. En hvað er Íslandi raunverulega fyrir bestu? Hver er staða Íslands í hnattvæðingunni? Hvað felst í þátttöku Íslands í Schengensamstarfinu? Hvaða aðferðum ber að beita við töku ákvarðana um Evrópusamstarfið? Hverra kosta völ eiga Íslendingar í gjaldmiðilsmálum? Við þessar spurningar og margar fleiri glímir Björns Bjarnason, dóms- og kirkjumálaráðherra, í þessari þörfu bók sem geymir valdar greinar hans frá síðustu árum. 192 bls. 1.990 kr. (kilja). Panta. Magnús Þór Hafsteinsson: Merkileg bók. Góð samantekt á viðhorfum höfundar til Evrópumála ...  mikivægt innlegg í Evrópuumræðuna ... »
		Nótt. Elie Wiesel. Þýð.: Stefán Einar Stefánsson. Elie Wiesel var á unglingsaldri þegar nasistar tóku fjölskyldu hans höndum og sendu hana í útrýmingarbúðirnar í Auschwitz og Buchenwald. Örlögin höguðu því svo til að hann komst lífs af. En það tók hann langan tíma að horfast í augu við hryllinginn sem hann hafði upplifað. Það gerir hann í þesasri magnþrungnu bók sem kom fyrst út á frönsku árið 1958. Bókin er sjálfsævisöguleg frásögn af veru unglingsdrengs og föður hans í útrýmingarbúðum nasista. Er hægt að skilja óhugnað helfararinnar? Af hverju lætur Guð hann viðgangast? Nærfærin og hugstæð lýsing á örvæntingu andspænis mannlegri illsku á hæsta stigi. Nótt hefur farið sigurför um heiminn og selst í milljónum eintaka. Árið 2006 var Nótt valin í Bókaklúbb Ophru Winfrey í Bandaríkjunum og flaug þá undireins í 1. sæti metsölulista The New York Times. Elie Wiesel hefur skrifað fjölda bóka en Nótt er almennt álitið meistaraverk hans. Wiesel hafa hlotnast margvíslegrar viðurkenningar fyrir bækur sínar og störf, svo sem Frelsisorða Bandaríkjaforseta, Gullorða Bandaríkjaþings, franska heiðursorðan og friðarverðlaun Nóbels árið 1986. 190 bls. 1.990 kr. (kilja). Panta.
Ný framtíðarsýn. Þorkell Sigurlaugsson. Í þessari bók fjallar Þorkell um nauðsyn þess að þjóðin móti sér nýja framtíðarsýn við endurreisn efnahagslífsins þar sem nýir stjórnarhættir, bætt viðskiptasiðferði, sjálfbærni og nýsköpun eru höfð að leiðarljósi. Fjallað er ítarlega um stjórnun fyrirtækja, einkum hlutverk stjórna, stjórnarhætti stjórna og æðstu stjórnenda. Þorkell telur brýnt að innleiða ný gildi við stjórnun fyrirtækja og endurvekja gömul gildi sem hundsuð voru í fífldirfsku og hrunadansi síðustu ára. Efnahagsleg umgjörð, eftirlitskerfi ríkisvaldsins og ný framtíðarsýn stjórnvalda, fyrirtækja og einstaklinga skipta höfuðmáli í þeirri uppbyggingu sem framundan er. Það er boðskapur bókarinnar að ástæða sé til bjartsýni ef rétt sé á málum haldið því Ísland er enn land stórkostlegra tækifæra. Þá þarf að byggja upp alþjóðlegt samstarf og frjáls markaðshagkerfi en forðast einangrunarstefnu, ríkisforsjá og haftastefnu. Ný framtíðarsýn er mikilvægt framlag til umræðunnar um endurreisn atvinnulífsins og uppgjörs við þá sem komu bankakerfinu, mörgum öflugustu fyrirtækjum landsmanna og þúsunda landsmanna í fjárhagslegt þrot. 208 bls., innbundin. 4.490 kr. Tilboðsverð 3.790 kr. Panta. Umfjöllun Mánudagur 25. maí: Eyjan.is » Pressan.is » Amx.is » Bylgjan (Reykjavík síðdegis) » Þriðjudagur 26. maí: Pressan.is » Rás 2 » Kastljós » » Miðvikudagur 27. maí: Rás 1 (morgunútvarp) » Fréttablaðið » Ríkisútvarpið (hádegisfréttir) »
		Spilin á borðið. Agatha Christie. Þýð.: Ragnar Jónasson. Herra Shaitana safnar fólki sem hefur komist upp með morð. Hann býður Hercule Poirot í heimsókn en áður en kvöldið er á enda hefur einn „safngripanna“ myrt gestgjafann. Fjórir liggja undir grun – og Poirot stendur frammi fyrir einni af sínum erfiðustu ráðgátum. Spilin á borðið (Cards on the Table) kom út á frummálinu árið 1936 en kemur nú út í íslenskri þýðingu í fyrsta sinn. 4.490 kr. Panta. 1.990 kr. (kilja). Panta. Kolbrún Bergþórsdóttir, Lesbók Mbl., 15.11.2008: Þægileg spenna ... Prýðisgóð afþreying. »
		Stefnumót við dauðann. Agatha Christie. Þýð.: Ragnar Jónasson. Illgjörn bandarísk ekkja finnst látin í hinni fornu borg Petra í Landinu helga. Margir vildu hana feiga en örlítið far eftir sprautunál er eina vísbendingin um að hún hafi ekki dáið eðlilegum dauðdaga. Hercule Poirot tekur að sér að komast að hinu sanna innan sólarhrings. Stefnumót við dauðann (Appointment with Death) hefur áður komið út í íslenskri þýðingu undir heitinu Feigðarför. 1.990 kr. (kilja). Panta.

Blóðreiturinn. Patricia Cornwell. Þýð.: Atli Magnússon. Jól. Nakið lík finnst í Central Park í New York ... Jólahátíðin hefur sjaldan reynst Kay Scarpetta góður tími. Þá fara ofbeldismenn stundum á stjá og það þýðir útkall hjá yfirréttarmeinafræðingnum í Virginíu og greinanda hjá FBI, bandarísku alríkislögreglunni. Líkið er af ungri konu sem enginn veit hver er. Því hefur verið stillt upp við gosbrunn í skuggalegum hluta Central Park. Allt bendir til þess að sadískur raðmorðingi sé aftur kominn á kreik. Aldrei hefur reynt meira á Kay Scarpetta og samstarfsmenn hennar en í þessari æsilegu leit að siðblindum brjálæðingi sem er með Kay á heilanum. 360 bls. 4.490 kr. Panta. 1.990 kr. (kilja). Panta.