Agatha Christie

Bókafélagið Ugla hefur samið við Agatha Christie Limited um einkarétt á útgáfu bóka þessa þekkta höfundar á Íslandi. Þrjár bækur eru komnar út og fleiri í undirbuningi. Þýðandi er Ragnar Jónasson lögfræðingur, sem hefur í mörg ár haldið úti vefsíðu, bæði á íslensku og ensku, um Agöthu Christie og verk hennar. Á vefsíðunni má skrá sig í Agöthuklúbbinn og njóta þar ýmissa fríðinda.

Íslensk vefsíða (á íslensku). »
Íslensk vefsíða (á ensku). »
Opinber vefsíða. »
 

		2009: Minning um morð. Agatha Christie. Þýð.: Ragnar Jónasson. Minning um morð (Five Little Pigs / Murder in Retrospect) er ein kunnasta sakamálasaga Agöthu Christie og meðal mest seldu bóka hennar. Sumir telja að Agatha sé  öðrum þræði að skrifa um fyrra  hjónaband  sitt í þessari bók, en atburðir sögunnar gerast um líkt leyti og hún hvarf, eins og frægt varð. Minning um morð kom út á frummálinu árið 1942 en kemur nú út í íslenskri þýðingu í fyrsta sinn. Ragnar Jónasson þýddi bókina og ritar eftirmála. John Curran, höfundur nýrrar bókar um Agöthu segir: „Minning  um morð er hápunkturinn á ferli Christie sem sakamálasagnahöfundar; fullkomnasta blanda hennar af leynilögreglusögu og „venjulegri“ skáldsögu.“

		2008: Spilin á borðið. Agatha Christie. Þýð.: Ragnar Jónasson. Herra Shaitana safnar fólki sem hefur komist upp með morð. Hann býður Hercule Poirot í heimsókn en áður en kvöldið er á enda hefur einn „safngripanna“ myrt gestgjafann. Fjórir liggja undir grun – og Poirot stendur frammi fyrir einni af sínum erfiðustu ráðgátum. Spilin á borðið (Cards on the Table) kom út á frummálinu árið 1936 en kemur nú út í íslenskri þýðingu í fyrsta sinn. 270 bls. 4.490 kr. Panta. 1.990 kr. (kilja). Panta. Kolbrún Bergþórsdóttir, Lesbók Morgunbl., 15.11.2008: Þægileg spenna ... Prýðisgóð afþreying. »
		2008: Stefnumót við dauðann. Agatha Christie. Þýð.: Ragnar Jónasson. Illgjörn bandarísk ekkja finnst látin í hinni fornu borg Petra í Landinu helga. Margir vildu hana feiga en örlítið far eftir sprautunál er eina vísbendingin um að hún hafi ekki dáið eðlilegum dauðdaga. Hercule Poirot tekur að sér að komast að hinu sanna innan sólarhrings. Stefnumót við dauðann (Appointment with Death) hefur áður komið út í íslenskri þýðingu undir heitinu Feigðarför. 240 bls. 1.990 kr. (kilja). Panta.

		2007: Ráðgátan um jólabúðinginn. Agatha Christie. Þýð.: Ragnar Jónasson.   Hercule Poirot glímir við óvenjulega ráðgátu í jólaleyfi á ensku sveitasetri. Tvö önnur mál reyna á „litlu gráu heilasellurnar“ í Poirot. Fröken Marple kemur líka við sögu. Úrvalssögur eftir drottningu sakamálasagnanna. 2.490 kr. Panta.

Agatha Christie hefur verið kölluð drottning sakamálasagnanna.